18 ޖެނުއަރީ 2022 - 21:02
މޯލްޑިވިއަންގެ މަތިންދާބޯޓެއް ހދ. ހަނިމާދޫން ފުރަން ތައްޔާރުވެފައި އޮއްވައި ކޮކްޕިޓް ތެރޭ ހިނގި އަލިފާނުގެ ހާދިސާއަކާ ގުޅިގެން ބޯޓުން މީހުން ބާލައި ދަތުރު ކެންސަލްކޮށްފި އެވެ.
މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
މޯލްޑިވިއަންގެ މެނޭޖިން ޑިރެކްޓަރު މުހައްމަދު މިހާދު "މިހާރު" އަށް ވިދާޅުވީ 32 ފަސިންޖަރުންނާ އެކު ފުރަން ތައްޔާރުވެފައި އޮއްވައި އަލިފާން ފެނުނީ ބޯޓުގެ ކޮކްޕިޓް ތެރެއިން ވިންޑްޝީލްޑް ކައިރިން ކަމަށެވެ. އެކަމަކު ވަގުތުން އަލިފާން ނިވުނު ކަމަށާއި މީހަކަށް އެއްވެސް ގެއްލުމެއް ނުވާ ކަމަށް ވިދާޅުވި އެވެ.
މި ހާދިސާ ހިނގަން މެދުވެރިވި ސަބަބެއް އަދި ނޭނގެ އެވެ.
މޯލްޑިވިއަނުން ކުރި ޓްވީޓެއްގައި ބުނެފައި ވަނީ ކޯ ޕައިލެޓްގެ ކައިރިން ވިންޑް ސްކްރީން ތަޅައިގެން ގޮސްފައިވާ ކަމަށާއި އެކަން ދިމާވީ ކީއްވެތޯ ތަހުގީގު ކުރާނެ ކަމަށެވެ.